Ուղեցույց ընտրական իրավունքի ամենատարածված խախտումների վերաբերյալ․ ինչ է համարվում ընտրակաշառք, քվեարկության կամ քարոզչության հարկադրանք, քաղաքական խտրականություն և քվեարկության գաղտնիության խախտում, ինչպես նաև՝ ինչ քայլեր ձեռնարկել նման դեպքերի բախվելիս և ինչպես ներկայացնել հաղորդում իրավապահ մարմիններին։

Եթե ունեք տեղեկություններ հանցագործության վերաբերյալ և ցանկանում եք ներկայացնել հաղորդում ՀՀ գլխավոր դատախազություն, պատրաստել ենք օրինակելի նմուշներ և քայլ առ քայլ պարզեցված ուղեցույց։

Նոր փոփոխություններով առաջարկվում է քաղաքացիաիրավական և վարչական պատասխանատվություն սահմանել ատելության խոսքի այնպիսի դրսևորումների համար, որոնք ենթակա չեն քրեական պատասխանատվության։ Սակայն այս փոփոխությունները կարող են սահմանափակել արտահայտվելու ազատությունը։ Ատելության խոսքի համար քաղաքացիաիրավական և վարչական պատասխանատվություն սահմանող օրենսդրական փոփոխությունների նախագծերը նպատակ ունեն բարելավել ատելության խոսքի իրավական կարգավորման շրջանակը։ Սակայն դրանց լայն և ոչ հստակ ձևակերպումները լուրջ մտահոգություններ են առաջացնում համաչափության, իրավական որոշակիության և արտահայտվելու ազատության նկատմամբ հնարավոր սահմանափակումների առումով։

«Ձեր փաստաբանը» հաղորդման եթերում ԻԶՊՀ տնօրեն Գենյա Պետրոսյանը ներկայացրել է actio popularis ինստիտուտի սկզբունքները և դրա ընդլայնման ուղղությամբ անհրաժեշտ քայլերը:

Հայաստանում քաղաքացիական հասարակության համար զգալի առաջընթաց է ակնկալվում․ ԱԺ պատգամավորները ներկայացրել են օրենսդրական փոփոխությունների փաթեթ, որով նախատեսում է ընդլայնել ՔՀԿ-ների ՝ դատարանում իրենց շահառուների կոլեկտիվ շահերը ներկայացնելու իրավունքը։ ՔՀԿ-ների առաջարկությունների հիման վրա մշակված այս փոփոխություններով ՔՀԿ-ների դատական ներկայացուցչության շրջանակը կընդլայնվի՝ ի տարբերություն ներկայումս գործող դրույթների, որոնք հնարավորություն են տալիս հասարակական կազմակերպություններին (ՀԿ) դատարան ներկայացնել միայն շրջակա միջավայրի պահպանությանը և հաշմանդամություն ունեցող անձանց իրավունքների պաշտպանությանը վերաբերող հայցեր։ Եթե առաջարկվող փոփոխություններն ընդունվեն, ՔՀԿ-ներին հնարավորություն կտրվի դատարանում վիճարկել նաև խտրականության հետ կապված դեպքերը, իսկ դատարան դիմելու համար անհրաժեշտ պայմանները կմեղմացվեն։

Փետրվարի 20-ին և 21-ին Իրավունքի զարգացման և պաշտպանության հիմնադրամը և ԱՅ ԷՖ Ի ԷՍ-ը անցկացրին պիլոտային վերապատրաստում հանրային ռեսուրսների չարաշահման թեմայով։ Դասընթացավարներն էին ծրագրի փորձագետներ Գենյա Պետրոսյանը, Նատալյա Ադամյանը, Դավիթ Գյուրջյանը և Սերգեյ Գրիգորյանը։  Դասընթացի նպատակն է ամրապնդել ընտրությունների ժամանակ հանրային ծառայողների՝ հիմնական կանոնների և անաչառ վարքագծի առնչությամբ գիտելիքները։ Վերապատրաստման մոդուլը մշակվել է որպես տեղեկատվական արշավի նյութ՝ առաջիկա ընտրություններին ընդառաջ:

Մի խումբ համախոհ կազմակերպություններով հանդես ենք եկել առաջարկություններով «Անկանխիկ գործառնությունների մասին» օրենքում լրացում կատարելու նախագծի վերաբերյալ։ Ըստ նրանց՝ օրենքի նախագծի որոշ կետեր մտահոգիչ են, հատկապես անձնական և բժշկական գաղտնիքի հավաքագրման և օգտագործման տեսանկյունից։ ՀԿ-ները առաջարկում են դադարեցնել օրենքի նախագծի քննարկումը, տվյալ իրավական ակտի անհրաժեշտությունը քննարկել Առողջապահության նարարության հետ և հրաժարվել այն կարգավորումներից, որոնք կարող են անհամաչափ միջամտություն պարունակել անձնական տվյալների պաշտպանության հարցում։

Իրավունքի զարգացման և պաշտպանության հիմնադրամը Ընտրական համակարգերիմիջազգային հաստատության (ԱՅ ԷՖ Ի ԷՍ (IFES))  հայաստանյան գրասենյակի հետ համատեղիրականացնում է Միացյալ Թագավորության (ՄԹ) կառավարության ՄԹ Միջազգային զարգացմանգրասենյակի ֆինանսական աջակցությամբ «Աջակցություն ժողովրդավարության կայացմանըՀայաստանում» (ԱԺԿՀ) ծրագրի հանրային ռեսուրսի չարաշահման վերահսկողությանն առնչվող բաղադրիչը։

Հրապարակվել է «ՔՀԿ չափիչ Հայաստան 2024» զեկույցը, որը ներկայացնում է 2024 թվականին քաղաքացիական հասարակության միջավայրի տարբեր ոլորտներում առկա զարգացումները, խնդիրները և առաջարկությունները։ Հայաստանի քաղաքացիական հասարակության միջավայրի ընդհանուր գնահատականը մնացել է անփոփոխ՝ համեմատած 2023 թվականի հետ։ Առաջնահերթ խնդիրներն ու մարտահրավերները նույնպես շարունակում են արդիական մնալ։

Քաղաքացիական հասարակության ներքոստորագրյալ կազմակերպությունների անունից ողջունում ենք Հայաստանի Հանրապետության և Ամերիկայի Միացյալ Նահանգների միջև Ռազմավարական գործընկերության հանձնաժողովի կանոնադրության ստորագրումը։  Այս գործընկերությունը բացում է նոր հնարավորություններ ինչպես Հայաստանի, այնպես էլ ամբողջ տարածաշրջանի համար՝  նպաստելով տարածաշրջանային անվտանգությանը, խաղաղ և արժանապատիվ համակեցությանը, տնտեսական համագործակցությանը։ Կողմերն ընդգծում են նաև ժողովրդավարության, մարդու իրավունքների և իրավունքի գերակայության արժեքները, որոնց ամրապնդումը հաստատապես կնպաստի Հայաստանի զարգացմանը, ինքնիշխանությանը և անվտանգությանը։